کاتیِک کە تێپەڕم ئەبێ

رسمەکە ی دیوی دایە گەورەم...؟!

ئەمە تەنیا شتێکە کە لە‌منو دایە گەورەم ماوەتەوە . باشتر پێتان بڵێم ئەمە تەنیا رەسمی منو دایە گەورەمە . باشتریشە کە زۆر شتان پێ نەڵێم ئەو شتانەی کە ساڵانێکە بە داویاندا ئەگەڕێم و ئیستاش نەمدۆزیونەوە ...

***

خۆمم لێ ون بوو. دایکم ئە ڵێ بە مناڵی رشتاڵە و پرچ رەش بووم و پرچەکانیشم پلکە کرابوون ئەمە لە گەڵ منی ناو رەسمەکەدا جیاوازیان نەبوو .

لە رەسمەکەدا پرچی رەش بوو بەسەر شانیدا هاتبوونە خوار . بەڵام ئەو غەمەی لە چاوی ئەو دابوو لە مندا نەبوو . جوان نازانم ئەم نامۆییە لە کۆێوە سەر هەڵئەدات . وابزانم خۆمم لە ناۆ یاری منالیمدا لێ ونبوو . ساڵانێکە تاسەی بیر هاتنەوە ی مناڵیم و ئەو رەسمە هەڵی گرتووم . ئەمە وای لێکردم هەست بە دروست بوونی پرسیارێکی قورس لە دەروونمدا بکەم . ئەمە بوو سەفەرم کرد بۆ بیر هاتنەوەی ساتە ئاڵۆزەکانی منالیم. بیرم لە پرچە رشەکانم ئەکردوە . من یان ئەو کاممان منین . کاممان ... ؟!

لاپەڕە تۆزاوی دەفتەری بیرەوەریەکانی باوەگەورەم ئەخوینمەوە . من لەوێدام بەڵام جیواز ترم . نازانم سەرم گێژ ئەخوات . سەرم قورس ئەبێ چاوم ئەبەستم .

کچم خۆت توند بگرە نەکەویە خوار ...... چاوم هەڵێنا باوەگەورەم پاڵی پێوە ئەنام . من لە ناو جۆلانەی مناڵیمدا بووم . ئێرە پارکی مناڵیەکانمە. من مناڵم... نا.... ئەو مناڵە ........من ئەو نیم.... نا..... ئەو پێناکەنێ .

کچم پێبکەنە ... باوەگەورەم ئەگری ... سەرم گێژ ئەخوات سەرم قورس ئەبێ . چاوم ئەبستم . ... چاوم هەڵێنا...ئَێرە ئێستایە ....

نازانم کێ رایچڵەکاندم یان کێ سەفەرە خیاڵاویەکەمی قرتاند و وتی : ئیتر ئێرە کۆتایە .

هەستم ئەکرد کەسێک دایمە بە دوامەوەیە کەسێک کە تێکەڵ بە سێبەرەکەیەتی . . نەئەترسام بەڵام جاری وابوو ئەوەندە لێم نزیک ئەبێتەوە کە تێکەل بە جەستەم ئەبێ ناتوانم دەری کەم . ئازارم نادات بەڵام بە تێکەل بوونی هەست بە غەمێک ئەکەم وابزانم ئەمە غەمی ئەوە بۆیە یەکجار ئەوەندە لام نامۆیە.

لە درگای ماڵەوە هاتمە دەر . چاوم لێ بوو کەسێک لە تەنیشتمەوە خۆی کرد بەناو کۆڵانەکامنداو لێم تێپەڕ بوو زۆر بەلامەوە ئاشنا بو زۆرم شێوە ئەکرد وا بزانم جارێک لە شوێنێک بە جۆرەیەک دیبێتم . پێشی کەوتمەوە . دەنگی هەناسەکانی لە دەنگی هەناسەی ئەو کەسە ئەچوو کە زۆر جار تێکەڵ بە دەروونم ئەبوو . بە سەرنجێکی زۆرەوە سەیرم کرد... قژەکانی رەش بوو بەسەر شانیدا هاتبوونە خوارتارمایێک لە ناخیدا بوو هەستم کرد دەبێ بیناسم یا ئەو من بناسێ ئەو سەیری منی ئەکرد و جار جاریش بە شەرمەوە روی ئەکردە عەرز زور بە سیری تماشای ئە کردم وابزانم ئە یهە ویست شتیکم پێ بڵێ .... دیسانەوە بیرم لێ کردەوە ....لێم ون بوو ماوەیێکی زۆر بەدوایدا گەڕام ...لەهاتنەوەدا بۆ ماڵ لەسەر کۆڵانەکە وەستابوو ، شوێنی کەوتم . ناگا خۆی کرد بەناو رەسمەکەی سەر تاقەکەدا.